💕அமிழ் தமிழ் து💕

அமிழ்தமிழ்து தமிழ்
அமிழ்திலும் இனிதினிதென்பேனே
ஆனந்தம் அதிமிகவாகிடுமே
ஆயதமிழில் அளவளாவிடில்
இன்னுமின்னும் இன்பமளித்திடுமே
இன்றமிழில் இயம்பிவிடில்
ஈசனையும் ஈர்த்திடுமே
ஈடில்லா இசைத்தமிழதுவும்
உயிரினுக்கும் உயிரளித்திடும் உயிருளதே
உயதமிதிலே
ஊற்றென நாவூறிடும்
ஊறிலா தேன்தமிழ்ச்சுவையை
எட்டுத்திக்கும் எடுத்துச்செல்லுவோம்
எண்ணம்நிறை எழிற்றமிழினையே
ஏற்றமிகு ஏகமொழியெனவே
ஏற்றிடவே ஏற்றிவைப்போம்
ஐந்திணையரும் ஐயமற வளர்ப்பித்த
ஐதுடைப்பைந்தமிழதனை
ஒளிர்தமிழாய் ஒளிர்விக்கவே
ஒருமித்துழைப்போமே ஒண்டமிழினுக்காய்
ஓயாது ஓதி ஓம்பியே ஓங்காரமாக்கிடவே
ஔவையாய்
சௌந்தர்ய தமிழினுக்கே சௌகரியம் செய்திடுவோம்

தமிழ் தமிழ்
தமிழென்றே தொடர்ந்துரைத்திடில்
அமிழ்தமிழ்தென்றே தீஞ்சுவையாய் தீண்டிடுமே
செவியினுள்ளே
நாவினிக்கும் தேனினும் மிகுசுவையாய்-சுகிக்கையிலே
செவியினுக்கும் சுகமேகிடும்
சுகந்தமிகு சுவையாகுமே
புவியுள பலமொழியினும்
புலமைமிகு மொழியன்றோ
காவியங்கள் கடவுளர்க்கும் கணக்கின்றி கண்டதுடன்
கடவுளடியாராம் கடைநிலையானவர்க்கும்
இருக்கின்றனவே இலக்கியங்களும்
பாசையது ஓசையென பேசிய பொழுதினிலே
பனையோலை பானையோடு
கல் மண்ணெனவே
காண்பதிலெலாம் கணக்கின்றியே கடந்துவந்தே
கல் தோன்றி மண்தோன்றா காலத்தின்
முன் தோன்றிய முதிர்வின்
முதுபெரும் முதிர்மொழியன்றோ
எதிர்த்திடவே எதுவுமிலா
எழிலுறு மொழியன்றோ
வாய்மொழியில் உரைத்துவிடில் தீர்ந்திடுமோ
தாய் தமிழ் மொழியின் தாகமது
வாய் ஓயாதுரைக்கனுமே
வானளாவிய வளமையும் செழுமையுமுடை செம்மொழியினையே

தமிழவள் மடிதவழ்ந்தாடிடவே
தவமேதும் செய்யலியே
தவமிலா வரமெனவே
தினம் தினம்
பருகிப்பருகிடவே பரவசமாகிடுதே
தாரணியின் மொழிகளுக்கும் ஊரணியாய்
ஊற்றெடுக்கும் காரணியாய்
கரையடங்காக் களஞ்சியமாய் கவின்மொழியானதினால்
உண்பது அமிழ்தெனினும்
தனியராய் உண்ணாதே
உயரிய தமிழமிழ்தை
தரணி போற்றிடும் வகையெனவாக்கிடுவோமே….

தமிழோடு பிறந்து
தமிழ(தால்)ராய் வளர்ந்து
பேசவும் எழுதவும்
படிக்கவும் பழகவும்
தரம் தாழ்ந்ததென தள்ளி வைத்தே
தாலதில் தமிழாடலைத் தவிர்த்திடில்
தாயினை மறந்தே
தள்ளி வைத்த சேயினைப்போல்
தலைகுனிவு தானன்றோ!!?
தமிழிலேயே பேசி எழுதி பயின்று பழகி
தமிழோடு வளர்ந்து
தமிழை வளர்த்தே
நிறைமதியேன மதிநிறைவாய்
மதித்திடுவோமே தாய்தமிழினையே…