திருநெல்வேலி ரெட்டியார்பட்டியில் அரசு பொறியியல் கல்லூரி செல்லும் சாலையில் தமிழ்நாடு மெர்கண்டைல் வங்கி அருகில் சாலையில் பெரும் பள்ளங்கள் ஏற்பட்டு உள்ளன
மேற்படி குழிகள் தொலைவில் இருந்து வரும் போது தெரியாத வகையில் இருந்ததனால் வாகன ஓட்டுனர்கள் மிகுந்த சிரமத்தை சந்தித்து வந்தனர்
பல வாகனங்கள் பள்ளங்களில் விழுந்து எழும்பி சென்றன. இதனால் அப்பகுதி மக்கள் வாகனங்கள் பள்ளங்களில் விழாதவாறு மணல் மூட்டைகளை வைத்தும், பள்ளங்களில் மணல் அள்ளி போட்டும் சரி செய்தனர்
இது போலவே ரெட்டியார்பட்டியிலிருந்து இட்டேரி செல்லும் சாலையிலும் பல்வேறு இடங்களில் சாலையில் உள்ள குழியினால் சிரமத்தை சந்தித்து வருகின்றனர்.
புறவழிச்சாலை மேம்பாலம் அருகில் இட்டேரி சாலையில் பெரிய பள்ளமாக உள்ள காரணத்தினால் வாகனங்கள் குழியில் விழுவதை தவிர்க்க எதிர்ப்புறமாக செல்கின்றது. இதன் காரணமாக விபத்து ஏற்பட்டு உயிர்ப்பலி ஏற்பட வாய்ப்புள்ளது
இதுகுறித்து சம்பந்தப்பட்ட அலுவலர்களுக்கு தகவல் தெரிவித்தும் நடவடிக்கை எடுக்கப்படவில்லை
தமிழக அரசு மழைக்காலங்களில் விபத்து ஏற்படாதவாறு சாலையில் உள்ள பள்ளங்களை சீரமைக்க வேண்டும் என்று உத்தரவிட்டும் நெடுஞ்சாலைத் துறை அதிகாரிகள் கண்டுக்காமல் உள்ளனர்
எனவே உடனடியாக பகுதி சாலையில் உள்ள பள்ளங்களை சரி செய்ய வேண்டுமென அப்பகுதி மக்கள் கோரிக்கை விடுத்துள்ளனர்
