திருநெல்வேலி மாவட்டம், நாங்குநேரி நெடுஞ்சாலைத்துறை உட்கோட்டத்திற்கு உட்பட்ட முனைஞ்சிப்பட்டி அருகே அமைந்துள்ள கிராமம் சிந்தாமணி.
இந்த ஊரானது திருநெல்வேலி மாவட்டத்தின் கடைக்கோடியிலும், நாங்குநேரியில் இருந்து வெகு தொலைவில் அமைந்துள்ளது
இந்த ஊரில் அமைந்துள்ள சாலை பழுதடைந்து பல வருடங்கள் ஆகியும், நாங்குநேரி நெடுஞ்சாலைத் துறையில் பணியாற்றும் அலுவலர்கள் உரிய நடவடிக்கை எடுத்து சாலை பழுதை சரி செய்ய மறுத்து வருகின்றனர்.
இச்சாலையை அதிகளவில் பேய்க்குளம், சாத்தான்குளம், உடன்குடி பகுதி மக்கள் திருநெல்வேலிக்கு செல்வதற்கு பயன்படுத்தி வருகின்றனர்
சாலையில் தினமும் ஆயிரக்கணக்கான வாகனங்கள் சென்று வரும் நிலையில், சாலைப் பழுதினால் வாகன ஓட்டுனர்கள் பல்வேறு சிரமங்களை சந்தித்து வருகின்றனர்
சாலையில் ஏற்பட்ட பள்ளங்களை சாலை பணியாளர்களை கொண்டு சரி செய்யக்கூட மறுப்பதாக இப்பகுதி மக்கள் தெரிவிக்கின்றனர்
பெரிய பள்ளமாக உள்ள காரணத்தினால் வாகனங்கள் குழியில் விழுவதை தவிர்க்க எதிர்ப்புறமாக செல்கின்றது. இதன் காரணமாக விபத்து ஏற்பட்டு உயிர்ப்பலி ஏற்பட வாய்ப்புள்ளது
சில மாதங்களுக்கு முன்பு இச்சாலையில் பயணித்த வாகனம் மீரான்குளம் கிணற்றுக்குள் பாய்ந்து ஐந்து பேர் பலியான சம்பவம் அதிர்ச்சி ஏற்படுத்தியது
மேற்படிச்சாலை பழுது காரணமாக வேறு ஏதேனும் அசம்பாவிதம் ஏற்பட்டு உயிர் பலி ஏற்படுவதற்கு முன்பு போர்க்கால அடிப்படையில் சிந்தாமணி ஊரில் உள்ள சாலையை சீரமைக்க வேண்டுமென பொதுமக்கள் சமூக ஆர்வலர்களும் கோரிக்கை விடுத்துள்ளனர்
