குழந்தைகள் மற்றும் பெண்களுக்கு எதிரான குற்ற வழக்குகளில் கன்னியாகுமரி மாவட்ட காவல் கண்காணிப்பாளர் திரு. அன்ஷூல் நாகர் IPS அவர்கள் நீதிமன்றத்தில் குற்றவாளிகளுக்கு விரைந்து தண்டனை வாங்கித்தர உத்தரவிட்டுள்ளார்கள்.
கடந்த 2024 ஆம் ஆண்டு, 17 வயது சிறுமியை பாலியல் வன்புணர்வு செய்த, மனக்காவிளை பகுதியை சேர்ந்த ஜாய்சன் என்பவரது மகன் ரத்தீஷ் (27) மற்றும் மணலிக்கரை பகுதியை சேர்ந்த பக்ருதீன் என்பவரது மகன் பைசல் கான் (37) என்பவர் மீது மார்த்தாண்டம் அனைத்து மகளிர் காவல் நிலையம் குற்ற எண் 32/2024 u/s 5(l), 5(i) 6 of POCSO Act & 64,
126, 127, 96, 351BNS இன் கீழ் வழக்கு பதிவு செய்யப்பட்டு குற்ற பத்திரிக்கை தாக்கல் செய்யப்பட்டது.
வழக்கு விசாரணை நாகர்கோவில் POCSO நீதிமன்றத்தில் நடந்து வந்தது. இந்நிலையில் நீதிபதி இக்குற்றத்தில் ஈடுபட்ட குற்றவாளி ரத்தீஷ் (27) என்பவருக்கு 27 ஆண்டுகள் சிறை தண்டனை மற்றும் 57,000/- ரூபாய் அபராதமும், பைசல்கான் (37) என்பவருக்கு ஆயுள் தண்டனை மற்றும் 54,000/- ரூபாய் அபராதமும் விதித்து தீர்ப்பளித்தார்கள்.
நீதிமன்ற வழக்கு விசாரணை மற்றும் சாட்சிகள் விசாரணையில் சிறப்பாகச் செயல்பட்டு, குற்றவாளிகளுக்கு தண்டனை பெற்றுத் தருவதில் முக்கியப் பங்காற்றிய இவ்வழக்கின் நீதிமன்ற தலைமைகாவலர் திருமதி. மெர்சி பாய், வழக்கின் நீதிமன்ற விசாரணையை முறையாகக் கண்காணித்த மார்த்தாண்டம் உட்கோட்ட துணைக் காவல் கண்காணிப்பாளர் மற்றும் மார்த்தாண்டம் அனைத்து மகளிர் காவல் நிலைய ஆய்வாளர்கள் திருமதி. உமா மற்றும் திருமதி. பாத்திமா பர்வீன் ஆகியோரை கன்னியாகுமரி மாவட்ட காவல் கண்காணிப்பாளர் அவர்கள் வெகுவாகப் பாராட்டினார்கள்.
