தூத்துக்குடி- நாசரேத் திருமண்டல தேர்தல் நாளை நவம்பர் 9ம் தேதி திட்ட மிட்டபடி நடைபெறும் என சிஎஸ்ஐ தூத்துக்குடி -நாசரேத் திருமண்டல நிர்வாகி நீதிபதி ஜோதிமணி தெரிவித்துள்ளார்.
இதுகுறித்து நாசரேத்தில் இயங்கி வரும் தூத்துக்குடி -நாசரேத் திருமண்டல தேர்தல் அலுவலகத்தில் வைத்து நீதிபதி ஜோதிமணி நிருபர்களுக்கு பேட்டி அளித்தார்.
அப்போது அவர் கூறியதாவது: தூத்துக்குடி- நாசரேத் திருமண்டல தேர்தல் ஏற்கனவே அறிவித்தது போல் 9.11.2025 அன்று ஞாயிற்றுக்கிழமை காலை 10 மணி முதல் மாலை 5 மணி வரை அனைத்து ஆலயங்களிலும் நடைபெறும். அதற்கு பின்னர் ஓட்டுகள் என்னப்பட்டு அன்று இரவே தேர்தல் முடிவு அறிவிக்கப்படும்.
இத்தேர்தலில் சேகரத் தலைவர் தேர்தல் அதிகாரியாக செயல்படுவார். பதற்றமான வாக்குச் சாவடியில் கூடுதல் தேர்தல் பார்வையாளர்கள் மற்றும் தேர்தல் அதிகாரிகளாக திருநெல்வேலி திருமண்மண்டலத்தில் உள்ள அனுபவம் வாய்ந்த ஆயர்கள், ஆசிரியர்கள், வக்கீல்கள் ஆகியோர் சிறப்பு தேர்தல் அலுவலர்களாக பணியாற்றுவார்கள். அதனால் பிரச்சினை ஏதும் வர வாய்ப்பில்லை.
கடந்த 27.10.2025 தேதியிட்ட சென்னை உயர்நீதிமன்றத்தின் மதுரை பெஞ்ச் உத்தரவின்படி தூத்துக்குடி – நாசரேத் திருமண் டல நிர்வாகியாக பொறுப்பேற்று தேர்தல்களை கடந்த 3.9.2025 அன்று விட்ட இடத்திலிருந்து தொடர வேண்டும் என்ற அடிப்படையில் மீண்டும் தேர்தல் புதிய அட்டவணையின்படி, முதற்கட்ட தேர்தலான திருமண்டல பெருமன்ற உறுப்பினர்கள் மற்றும் சபைமன்ற உறுப்பினர்களுக்கான தேர்தல் நாளை 9.11.2025 காலை 10 மணி முதல் மாலை 5 மணி வரை திட்டமிட்டபடி நடைபெறும்.
மேலும் சென்னை உயர்நீதி மன்றத்தின் மதுரை பெஞ்ச் உத்தரவின்படி “ஸ்டேட்டஸ் கோ” என்றால் இருந்தது இருந்தபடி நடக்க வேண்டும் என்பது ஆகும். அதனால் நிர்வாகி தொடர்ந்து பணியாற்றலாம் தற்போதுள்ள நிர்வாகம் தொடர்ந்து தேர்தலை நடத்த வேண்டும் என்பது தான். எனவே தேர்தல் திட்டமிட்டபடி நாளை நவம்பர் 9ல் நடைபெறும் இவ்வாறு அவர் கூறினார்.
பேட்டியின் போது ஓய்வுபெற்ற மாவட்ட நீதிபதியும், தேர்தல் அதிகாரியுமான ரெத்தினராஜ், ஜான் ஆர்.டி.சந்தோஷம், நிதி ஆலோசகர் அன்பர்தாஸ், மேலாளர் காபிரியேல் தேவயிரக்கம் ஜெபராஜன் ஆகியோர் உடனிருந்தனர்.
த ஞான ராஜ் கிறிஸ்டோபர்
புன்னகை தேசம் நிருபர்
9487445655
