நாசரேத்தில் ஆதரவின்றி சாலையோரம் கிடந்த வயதான பெண்ணை மீட்டு மருத்துவமனையில் சேர்த்த காவலர் வேல்பாண்டியன் – பொதுமக்கள் பாராட்டு!!

நாசரேத் கடந்த சில நாட்களாக ஆதரவின்றி சாலையோரம் கிடந்த வயதான பெண்ணை மீட்டு மருத்துவமனையில் சேர்த்த காவலர் வேல்பாண்டியனை பொதுமக்கள் பாராட்டினர்.

நாசரேத் சந்தியில் கடந்த சில நாட்களாக யாருடைய ஆதரவும் இல்லாமல், மனநலம் பாதிக்கப்பட்ட நிலையில் எழும்பி நடக்கமுடியாமல் வயதான பெண் ஒருவர் சாலையோரம் படுத்த படுக்கையாக கிடந்தார். இதை அவ்வழியே ரோந்து பணி மேற்கொண்ட நாசரேத் தலைமை காவலர் வேல்பாண்டியன், அந்த 90 வயது மதிக்கத்தக்க மிகவும் மோசமான நிலையில் கிடந்த ஆதரவற்ற பெண்ணை கண்டு அதிர்ச்சி அடைந்தார். உடனே மனிதாபிமான அடிப்படையில் 108 ஆம்புலன்ஸ் போன் செய்து வரவழைத்தார்.

மேலும் நாசரேத்தில் உள்ள நல்ல சமாரியன் மன நல ஆதரவு இல்லம் நிர்வாக பொருப்பாளர் ஜோசப்பை உடனடியாக அழைத்து முதல் உதவி செய்தார். பின்னர் அந்த முதிய பெண்ணை 108 ஆம்புலன்ஸ் மூலம் அரசு மருத்துவமனைக்கு சிகிச்சைக்காக அனுப்பி வைத்தார்.

இதையடுத்து நாசரேத் தலைமை காவலர் வேல்வ பாண்டியன் செயலைகண்டு பொது மக்கள் பலர் பாராட்டினர்.

த ஞான ராஜ் கிறிஸ்டோபர்
புன்னகை தேசம் நிருபர்
9487445655