கிராம அளவிலான ஆடவர் மகளிர் விவசாயிகள் பயிற்சி முகாம் மற்றும் கால்நடைகள் பராமரிப்பு சம்பந்தமான முகாம் நடந்தது.
உடன்குடி ஊராட்சி ஒன்றியம். மெஞ்ஞானபுரம் அருகே உள்ள செம்மறி குளத்தில். தூத்துக்குடி உழவர் பயிற்சி மைய வேளாண்மை துணை இயக்குனர், தமிழ்ச்செல்வி தலைமையில். தூத்துக்குடி வேளாண்மை அலுவலர் பிரேம்குமார், மற்றும் உடன்குடி தோட்டக்கலை அலுவலர் விஜயராகவன், மெஞ்ஞானபுரம் கால்நடை உதவி மருத்துவர் கலந்து கொண்டு. விவசாய பொறியியல் துறையினர் மூலம் விவசாயிகளுக்கு டிராக்டர், உழவு எந்திரம், தென்னை மட்டைகளை அரைக்கும் இயந்திரம், நிலம் சமப்படுத்தும் இந்திரம் மற்றும் தோட்டக்கலை மூலம் தென்னை, நெல் போன்றவை மற்றும் விவசாயிகளுக்கு உரம், உயிர் உரம், மற்றும் பழவகை மரக்கன்றுகள் மேலும் அனைத்து வகையான மரக்கன்றுகளையும் அரசிடம் இருந்து பெறுவதற்கான வழிமுறைகளையும், விவசாயிகளுக்கான மானியங்களை அரசிடம் இருந்து பெறுவது எப்படி என்ற தகவலையும் தெரியப்படுத்தினர்.
பயிர்களில் பரவும் பூச்சிகள். தென்னை மரங்களை தாக்கும் காண்டாமிருக வண்டுகள் கூன் வண்டுகள் போன்றவற்றை கட்டுப்படுத்தக் கூடிய மருந்துகளை விவசாயிகளுக்கு தெரியப்படுத்தினர்.
மேலும் காண்டாமிருக வண்டுகள் கூன் வண்டுகள் போன்றவற்றை பிடிப்பதற்கான பொறியிகளையும் அரசு மூலம் பெறுவது குறித்த தகவல்களை தெரியப்படுத்தினர்.
கால்நடை மருத்துவர் கோழி ஆடு மாடு போன்றவற்றை வளர்க்கும் முறைகள். அவற்றிற்கு வரும் நோய்கள் மற்றும் அவற்றின் மருத்துவ முறைகள் போன்றவற்றை எடுத்து கூறினார் மற்றும் கோழிப்பண்ணை போன்ற தொழில் தொடங்குவதற்கு இளைஞர்கள் மற்றும் உள்ளவர்கள் என்ன செய்ய வேண்டும் என்ற விதிமுறைகளை கூறினார்
முடிவில் வேளாண்மை துறை அலுவலர் பிரேம்குமார் நன்றி கூறினார். நிகழ்ச்சியில் மெய்ஞானபுரம் சுற்றுவட்டார பகுதி விவசாய சங்கத்தினர் மற்றும் விவசாயிகள் ஏராளமானோர் கலந்து கொண்டனர்.
